Tura, Dec 21: Budbar walo, Tura-oni km 15-mang chel·ao donggipa Rongram State Bank of India (SBI)-ni Automated Teller Machine (ATM)-oniko gas-chi ratenba, gong lak 30-na baten tangkarangko cha·uangna man·aha.

Bristibar pringo manderang, ia ATM-oniko tangka okna re·angosa ia ATM-ni do·ga tong·sa chipe dongako aro ATM machine-ni kame be·kninge dongako nikeaha.

West Garo Hills a·jani SP Abraham T Sangma-ni u·iatani gitade, ia ATM-ona police-rang, bank official-rang baksa re·angaha aro ia ATM-oniko gong lak 30-na baten cha·uangaha ine bank official-rang chanchichipenga.

Ia ATM-oniko cha·uanio ATM-ni gimin ma·sigipa manderangsa jak dongengnaba ine janapatengon, ATM-o tangka donchakgipa ‘steel safe’-ko cha·ugiparang, gas-chi so·esa tangkarangko ra·e katangna man·ahakon ine SP parakataha.

Rim·a man·jana gita ia ATM-oniko cha·ugiparang, ATM-o donenggipa CCTV camera-rangkoba rongrangchi satchengaha.

Ia ATM-ara Rongram petrol pump aro motorcycle showroom-ni jangchio ong·e CCTV camera-rangchi duulgipasa biapsa ong·achim indiba motorcycle showroom-ni sepangbatgipa CCTV camera-koba cha·ugiparang, rongrangchi satdape donangaha.

Iakoba poraie nina man·gen: Rinzing Choden Bhutia: Agapi Sikkim-ni nokgipa aro me•chikrangko didigipa ong•a

WATCH:

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub