Tura, March 10: Garo Hills-o gesa chu·begipa aro nina nitobegipa chidare Renang dare, jean South Garo hills a·jani Siju Nokatgre-o dongachim una kenchakani ong·engaha maina, ua biapni nokma ua dare sambajolni rongtreangko bikotna bangbea local organization-rangni jegalgenchimoba drae rongterangko bikotna on·na ku·chakahe ine matnangtokenga.
Battanggipa antio ia nitogipa burung bolgrimchi gipatako man·gipa sambani a·arangko rongte bikotna on·nani gimin a·arangko jen somoio survey ka·na reangahachim unosa ia chidareni samba joloniko rongterangko bikotna am·enga ine songni manderang ma·sienba ka·o nangtokaha aro an·tangni namgnina tangkarangko man·gen ine ma·sienba rongte bikotgipa dolrangna samtangtangni nitoaniko nisiatna am·enga ine nokmako jaksi ottokenga.
Ia obostana sonibar salo Karukol-ni Garo Students Union member-rang ua biapona reangenba songni manderangko ianibidingo mikrakataniko on·ne donbaaha.
South Garo Hills – ni Nokatgre songo je mande an·tangni man·gnina ba jean corpotation-rang rongteko bikotna miksongengachin uamangna rakgipa u·iataniko on·natenga maina ia biapa jeoniko rongterangko bikotna siengachim, chingni mikrontangchi nikanigitade uan Garo hills-o damsa chuakbatgipa nina nitobegipa burung blogrimrangan gapgipa Re•nang Dare-ni sambaon ong·a. Unigimin chinga ianiko rongterangko bikote nisiatna on·jawa ine student union president Nikudimush R Marak parakataha.
Union iani bidingo rongterangko bikotna onjachina district authority aro local MLA,Education Minister Rakkam A Sangma-ko taraken dontongatna jaku de·china jedakode wilwilao donggipa burung bolgrim rangchi manderangna namgniko mangen ine molmolataha.
” Garo Hills manderang ia nitobegipa chidareko rongterangko bikote nosto ka·na aro gimaatna sikja” ineba Union parakataha
Rongte bikotaniko jegalanio banga songrangba survey ka·aniko jegalenga manina ua survey-ni ningo uamangni adita bagan barirangba man·chapenga una agreba anchengrangko kitanichi damgipin chiringkoba nosto ka·enga.
Indak mitingon authority-rangna minggipin nengnikataniko on·nenggipara Karukol jolo Rongdik chiringoniko an·chengrangko bikotaniba ong·enga.
“Chinga mikrontangchi nikenga Karukol aro uni wilwilao donggipa songrang jekai Dalenggittim, Nengkong & Emangre o an·chengrangko niamgri kitenga aro iana mamung nirok sandianirangko dakjaenga aro authority-rang changpenganiko dakanio chu·sokgipa ong·jaenga” ine Garo Students Union Karukol Regional Unit-ni General Secretary, Francis R Marak-ni janapataha.
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
