Shillong, May 30: Roster system baksana 1972 bilsini state job reservation policy-ni giminba chanchirimna gita Conrad K Sangma-chi dilenggipa Meghalaya Democratic Alliance (MDA) sorkari, dingtangmancha committee-ko songe on•angaha.

Iani bidingo talataniko on•angengon, roster system baksana reservation policy-ni giminba chanchirimdilna gita committee-ni bi•aniko a•dok sorkari ra•chakaha ine Mongolbar salo a•dokni Cabinet Minister aro ia committee-ni chairperson Ampareen Lyngdoh parakataha.

Ia committee-ni bilko sorkari, apalbatatna gitaba tik ka•aha aro pilak political dolrangkon, doltangtangoniko member sakgniko rimdapchina gita aganaha ineba Lyngdoh parakataha.

Lyngdoh-ni parakatani gitade, Meghalaya a•doko songdongenggipa pilak Tribal jatrangkon bak ong•atna gita sorkari, ia committee-ko apalbatatna aro membor-rangko baridapatna tik ka•aha.

Ia committee-ni tom•aniko Budbar salni 2:30 bajio ong•atanggen ine parakatengon, ia tom•anio VPP-ko man•chape pilak political dolrangkon bak ra•echina gita committee-ni chairperson didiataha.

Iakoba poraie nina man·gen: SSLC porikkao teng·sugipa chatrina NE Media Hub boksisko on·a