Jowai, May 24: Jaintia Hills a·jani dingtang dingtang NGO-rang jekai JSU, JYF, JSM, EJNC, Synjuk Waheh Chnong Ri Jaiñtia aro Synjuk Waheh Chnong Jowai, iarang gimik nangrimgimin Jaiñtia Coordination Committee for Reservation Policy (JCCRP) dolni bimango, a·dokni Job Reservation Policy aro Roster System-ni gimin Butbar salo Jowai-o tom·e chanchirimangaha.
Ia minggni mamlarangni gimin jinma tom·e chanchirimanganio, a·dokni job reservation policy-ko nipiltaie taridapchina aro roster system-ko 1972 bilsioni ong·gija 2023 bilsioni a·bachengesa ra·gatchina a·dok sorkario krimkro dabiangna gita Jowai-o, re·baenggipa May -ni 19 tariko, Khliehriat-o May 31 tariko aro Amlarem-o June 2 tariko jinma asonge jingjengataniko ong·atangna gita jinma tik ka·e donangaha.
Roster System aro Job Reservation Policy-ni mamlao adita salrangna skang a·dokni pilak political dolrang baksa damsan chanchirimanganio, sorkarini chanchidilanganiko chu·ongnikjae Voice of the People’s Party (VPP)ni sakgittam MLA-rang tom·aoni ong·katgrime kattokan baksa, dolni skotong dilgipa Pa Ardent Miller Basaiawmoit, May -ni 23 tarikoni a·bachenge Shillong, Main Secretariat-ona napgipa cholgugao sima-gri okgimu chake jingjengatangna gita parakatahachim ine nikatna man·gen.
Iakoba poraie nina man·gen: HSSLC Arts aro SSLC-ni result-rangko May 26 tariko parakgen
