Imphal, Sept 11: Manipur a•doko jatsa jatgipin baksa nanggrikanichi a•doko so•so jengjeng ong•anichi, a•doko niamrangko name rakkina man•jaengani gimin a•doko chelchakani aro niamrangko rakkianiko mangrakbatatana gita ma•mong sorkari , sak 2,000 mangna batpile dolgni gital CRPF battalion dolrangko watatna gita ge•etaniko on•ataha aro ia watata man•gipa CRPF dolrangko, Imphal-ona sildoreng gita rimbaaha.
U•iatani gitade, number 58-gipa battalion-rangko Telangana-ni Warangal-oniko apjitataha aro number 112-gipa battalion-rangko Jharkhand-ni Latehar-oniko watatskaaha.
Skanggipa Unit-rang, Manipur-ni Churachandpur ba Kangvai-ko headquarter dake jakkalanggen aro 2-gipa unit-rangko Imphal-ni wilwilao donggipa biaprango donatskagen.
Jammu and Kashmir aro Salgro Salaram-ni dingtang dingtang biaprango am•sandiani kamrangko dakatna gita Manipur a•dokoniko dolgni Assam Rifles battalion-rangko ra•ongkata jamano ia ge•etaniko on•ataha.
Sombar salo, jegalaniko dakenggipa chatro chatrirang baksa police dolrangming nanggrikani a•sel sak 90-na batpile chatro chatrirang saknaako man•aha.
Ia nanggrikaniara, dabianiko chu•sokatna on•gimin salni 1 bajina badepiloba maming aganchakani dongjani a•sel chatro chatrirang aro uamangna chakpagiparangko Governor-ni dongchakgipa nokona re•angna git draatako man•ani a•sel a•bachengaha.
Bang•bea manderang jeon bang•batan chatro chatrirangan bang•batachim, uamang curfew-ni ning•o benggimin ge•etanirangko pe•enba Raj Bhavan-ona jinma re•angna gita jotton ka•aha, ine u•iataha.
A•doko niamramgko rakkiani bidingo aganengon, Manipur Police, cha•ue ra•gimin silchidarerang, slai gulirang aro bretatna jakkalgipa bosturangko ta•raken sepangbatgipa chelchakgipa sipai dolrangna ra•ange on•china gita jinmao didianiko dakangaha.
Na·simang ia video-koba nina man·gen:
Na·simang iakoba poraina man·gen: India a•songni skanggipa digital lottery-ko M’laya sorkari a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
