Tura, Sep 13: Sukrobar salo, Tura-ni P. A. Sangma Foundation (PASF)-Abong Noga College-o People’s College Grant-in-Aid Scheme-ko oprakaniko dakanio, sak 22 skigiparangna appointment letter-rangko sorkari on•angaha.
Ia appointment letter-rangko, dingtang dingtang college-ni dingtang dingtang subject department-ni skigiparangna on•anganiara, PASF-Abong Noga College-o ia scheme-ko a•bachengatani ong•achim.
Ia program-ko AB Mission Compound-ni Working Women’s Hostel-o, P. A. Sangma Foundation (PASF) ong•atangaha aro ia oprakani program-o Meghalaya Legislative Assembly-ni Speaker Thomas A Sangma, Education Minister Rakkam A Sangma aro gipin mande ra•ako man•a kragipa manderangba bak ra•angaha.
Ia tom•anio jinmana aganprakengon, Garo Hills a•jao bidako skie ra•chakenggipa nokrangko aro gipin bakrango namdapatna aro mangrakdapatna nangchongmotengani gimin Speaker Thomas aganangaha.
Education Minister-ba a•doko lekka poraia skiani a•bao mangrakbatatna sorkari krenge kamko ka•enga ine aganan baksa, lekka pora skie ra•ani a•bako mangrakbatatanio sorkarini dingtang dingtang dolrang, skigiparang aro chatro chatrirangni ma•a paa-rangba, uamangni dedrangni mikkangchi janggi tangani gadangko namaona ra•bana gita bakrime kam ka•na nanggen ineba agandapataha.
Una agreba, ia tom•anio, P. A. Sangma Foundation-Abong Noga College-ni chatro chatrirangni doka dam•anirangkoba nikangna man•aha.
People’s College Grant-in-Aid Scheme-ara, ongipa gadango janggi tangenggipa aro gisik aro be•en bimangni gita neng•nikaniko man•enggipa bi•sarangna nambata gadangni bidako on•a miksonge MDA sorkarini a•bachengatgipa scheme ong•a.
Indake ia scheme-ni ning•o ong•gipa college-rango, skigiparangna aro non-teaching staff-rangna dingtangmancha sorkarini gita chamgimin post-rangko man•gen aro unbaksana dormahakoba a•dok sorkarini tik ka•gimin gitan man•gen.
Na·simang ia video-koba nina man·gen:
Na·simang iakoba poraina man·gen: North Garo Hills District Cricket Association Academy-ko kulia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
