Resubelpara, Sep 13: North Garo Hills a•jao cricket kal•aniko namdapatna aro cricket kal•anio gisik nanggipa manderangna nambate skie on•na man•na gita North Garo Hills District Cricket Association Academy-ko Sukrobar salo a•bachengate on•angaha.
Ia academy-ko kulianio Meghalaya Cricket Association (MCA)-ni joint secretary Chiang D Shira, mongsonggipa sokgipa ong•e, uni jakchin ia academy-ko oprake on•angaha aro iano MCA-ni me•chik dolko seokgipa ba selector Robert Momin, Tura District Cricket Association-ni membor Raju D Sangma, North Garo Hills District Cricket Association-ni membor-rang aro songni manderangba dongpae bak ra•angtokaha.
Ia academy-ko kulie on•angani somoio North Garo Hills District Cricket Association-ni president Sengnab Ch Momin, jinmana aganprakengon, ia academy-o cricket kal•aniko skie ra•na biming segatgipa me•a aro me•chikrang gimik sak 37-mang ong•engaha ine ia academy-ko kulina man•ahani gimin an•tangni kusi ong•aniko parakangaha.
Ia cricket academy-o antio changgni dake, chong•motan Sukrobar aro Sonibar salrango cricket kal•aniko skie on•anggen ine parakatengon, North Garo Hills a•jao je chadamberangna cricket kal•na gisiko nangachim, ia academy-ona re•bae register ka•ena man•gen ine NGHDCA-ni president didianiko on•angaha.
Na·simang ia video-koba nina man·gen:
Na·simang iakoba poraina man·gen: Gitcham CEM Latiplang Kharkongor sagina KHADC-o kalimpaaniko dakanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
