Dimapur, Feb 19: Ajit Pawar-ko Nationalist Congress Party (NCP)-ni dilgipa ine Election Commission of India (ECI)-ni ra·chakani ja·man, Nagaland a·dokni saksni MLA-rangni kosako ra·galchina Sharad Pawar-chi dilenggipa NCP-ni mol·molaniko Nagaland Legislative Assembly-ni Speaker Sharingain Longkumar jegalataha.
Ia saksni MLA-rangni kosako ra·galchina mol·molaniko jegalatengon, Election Commission-ni Ajit Pawar-ko NCP-ni dilgipa ine ra·chakaniara ia MLA saksni, party-ni kosako kamrangko ka·enga ba party-oni ong·katenga ine mesokani ong·jaengani gimin ra·galaniko man·na kraani ong·jaenga ine Nagaland Assembly-ni Speaker parakataha.
Nagaland a·dokni saksni NCP MLA-rang, chong·motan Namri Nchang, Picto Shohe, P Longon, Y Mhonbemo Humtsoe, S Toiho Yeptho, Y Mankhao Konyak aro A Pongshi Phom, re·anggipa bilsini July jaon Ajit Pawar-chi dilenggipa NCP-o bakrimangahani gimin ia saksni MLA-rangni kosako Sharad Pawar-chi dilenggipa NCP, ia jani a·bachengachibara, Nagaland Assembly-ni Speaker-na seachi badi ka·doangenba, ia saksni MLA-rangko ra·galchina mol·molatahachim.
Na·simang Iakoba poraie nina man·gen:Assam missionary skulko Christian toromni statue-rangko ra•galchina ka•mikkenaniko man•soa, police doloniko chelchakaniko am•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
