25.7 C
Tura

Sak lak 1-na batpile appointment letter-rangko PM Modi sualata

Must read

Shillong, Feb 12: Sombar salo, a·songni Prime Minister Narendra Modi, Meghalaya a·dokni sak 48-ko man·chape a·song gimikni lak 1-ba batpilen chadamberangna, video conference gita appointment letter-rangko sualataha.

New Delhi-o Integrated Complex ‘Karmayogi Bhavan’-ni skanggipa baknaba ua pangchakaniko songe on·angjolaha.

Kamo rimnapa man·gipa chadamberangna appointment letter-rangk sualatanio a·songni Prime Minister, jinmana aganprakatengon, kamo rimnapana man·gipa chadamberangna aro uamangni nokdangrangna an·tangni kusi ong·chakaniko janapatenba, chadamberangna kam ka·e cha·ani cholrangko on·angkuna gita sorkari kam ka·enga ine parakataha.

Kamni bidingo u·iatani aro appointment letter-rangko on·ani gisepo ru·ute somoirangko ra·chaengani a·selan ku·mitdu du·aniona sokenga ine janapatengon, ia sorkari kamo ra·aniko maming dongnuani gri ong·atna aro kamo ra·aniko ta·rake matchotatna man·engaha ine PM Modi aganaha.

Advertisement

Batanggimin bilsi 10-ni gisepo ia sorkari, gitcham sorkarirangna chang 1.5 bate chadamberangna kamrangko on·na man·aha ineba PM Modi aganaha.

Kam ka·e cha·ani gital a·barangko ong·katatani aro chadamberangna janggi tangani cholrangko on·anian ia sorkarini mongsonggipa daito ong·enga ine janapatskaengon, ia bilsini interim budget-o crore-sa rooftop solar plant-rangko ra·gatna sorkarini parakatgipani bidingo janapatenba, ian manderangni bijoli kajinarangko komiatna aro lakni lak kam ka·e cha·ani cholrangko ong·katatna dakchakani ong·gnok ine PM Modi parakataha.

2014 bilsina skangde gitcham sorkarirang, rel garirangko namdapatna gita gisik on·e kam ka·anirang dongbrejachim ine janapatengon, 2014 bilsio BJP sorkari jako ra·ani ja·man a·songni pilak biaprangon rel garirang namdapatako man·na a·bachengaha aro rel garirango songre songgabatenggipa manderang, dingtang dingtang namgnirangko man·na a·bachengaha ine Prime Minister aganaha.

Adita salrangna skang parakatgipa interim budget-o gital railway station-rangna, rama jal·langrangna, airport-rangna aro chi ramarangna gong crore 11 tangkarangko chamataha ine janapatskaengon, ia project-rangchiba a·songni chadamberangna gital kamrangko ong·katatgnok ine PM Modi parakataha.

Viksit Bharat-ni kamo sorkario kam ka·enggipa manderangni daitorangni giminba Prime Minister talate on·angjolaha.

Iakoba poraie nina man·gen: Amlarem-o Veterinary officer saksako kragija, an•tang ganding chindingrangko okgalchina BSF draata aro gogen ine ka•mikkenata

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub

More articles

-->
-->

Latest article