Tura, May 5: Ia 2025 bilsini Higher Secondary School Leaving Certificate (HSSLC) Science porikkao Tura Don Bosco College (Higher Secondary Section)-ni Neev Sharma-ba 448 mark-rangko man•e, Top 10-ni brigipa biapo chu•sokpana man•aha aro ian una aro uni college-nasan ong•aigija Garo Hills gimikna mikkim rasongko ra•baaha.
Top 10-ni brigipa biapo pass ka•na man•ahani gimin an•tangni kusi ong•aniko parakatengon, an•tangni chu•sokgipa ong•anina Neev, an•tangni skigiparangko, ma•a paako aro uo bebera•gipa sakantikon mittelpilangaha.
An•tangni chu•sokgipa ong•ani gimin talataniko on•angengon, ua salantian konta bongaoni konta snimangna poraironga aro pangnan class-o che•em che•em skie ra•ronga ine Neev aganaha.
Mikkangchi maiko dakna miksongenga ine sing•anina aganchakaniko on•angengon, uni atchutanggipa didianiko man•e da•o ua Bangalore-o BA LL.B-ko dakna miksongenga ine Neev parakataha.
An•tangni chadambeskarangna ku•pattiani kattarangko aganangskaengon, pangnan nisanko chue songchina aro ia nisanko chu•sokatkujaskal dontongjachina Neev didiangaha.
Na·simang ia video-koba nina man·gen:
Na·simang iakoba poraina man·gen: Conrad Sangma Tura Medical College rikani kamrangko nianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
