Shillong, August 26: NCP dolni State President Saleng A Sangma, Garo Hills-o lekka puonsusaani bidingo aganengon, manderang election ong·na skang badiaba mandeni ba dolni kosako jegalaniko dakgenchimoba, uako taraken guala gita daknika maina kakketko aganode Garo Hills manchaode manderangni chanchiani bewalko dingtangatjaskal sawa election-o chegen ba chejawa uko agansamsona namen neng·a ine August 26 tariko aganaha.
Da·alo election-na sepangbaroro chakatna sienggipa mande constituency-ni pilak kona noksikchin wene nama namja pilakkon aganprakaniko dakenga indiba bon·kamo seokanide manderangni jakosa ong·aia.
Saobarang tangka paisa satachi election-o chea ine chanchia indiba name niatode uan 20%-mangni gitasan tangkana dakaigipa ong·aigen bangki 80%-de namnikatangko seokgipan ong·rongbataia ineba Saleng Sangma agandapaha.
