Tura, Nov 28: Gnigipa changna Tura-ni DC Park-o ong·atanggipa Tura Me·gong International Literary Festival, Bristibar salo matchotangaha.

Ia Me·gong International Literary Festival-ko North Eastern Hill University (NEHU) Tura Campus-ni Garo Department, A·chik Literature Society (ALS) aro Tura Don Bosco College baksa nangrime Budbar saloni ong·atangaha aro ia festival ba manianio, bak ra·gipa manderang, A·chik poedo, A·chik golporang aro dingtang dingtang sea-jotani bidingo jinma agan-chanchirimanirangko dakna cholko man·aha.

Ia salgnina ong·atanggipa Literary Festival-o Garo Hills-onisan ong·aigija, Assam, Tripura, Bangladesh aro Meghalaya a·dokni gipin biaprangoniba sea-jotanio gisik nanggipa manderang re·bae bak ra·angtokaha.

Ia literary festival-ni gnigipa salo, Dr Colnat B Marak, Dr Viola Sonatchi B Sangma, Dr Barbara S Sangma aro dingtang dingtang skigiparang, senokgiparangni agan-golpogrikanio, an·tangtangni chanchianirangko jinmana agan-talate on·angaha.

Ia Me·gong Literary Festival-o mongsonggipa ong·e jinmana aganprakanggipa manderangara, Caritas Mymensing Region Bangladesh-ni Regional Director Apurbo M Marak, Tura Baptist Mondolini gitcham Pamong Rev (Dr) Wetterfield R Marak aro Don Bosco Junior College-ni Principal Rev Fr (Dr) Jogesh B Sangma ong·a.

Ia festival-ni bon·kamgipa salo, Wangala chrokani, A·chikrangni ganding chindingrangko gane mesokani, A·chik chadamberangni doke dam·e mesokani, git ring·ani aro uandakgipa program-rangkoba nikna man·aha.

Na·simang ia video-koba nina man·gen: 

Na·simang iakoba poraina man·gen: SWGH-o ong•atgipa District Aqua Fest 2024 name matchota

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub