Guwahati, July 21: Meghalaya Chief Minister Conrad K Sangma Robibar salo Arunachal Pradeshni Chief Minister Pema Khanduko Itanagaro gronge NE a·dokrangrangko pilakni gitan ra·doani bidingo dingchike golporimaha.
Ia bilsio Arunachal Pradesho MLAna eletion ong·atanio NPPni sak 5 cheaha, aro uamangko kusi ong·rimna tom·aniko ong·atanio CM Conrad salgnina Arunachal Pradesho dongbaaha.
Chief Minister sakgnian salgro-salaram a·dokrangko namroro-silroroatani bidingo ku·cholsan ong·e kam ka·rimna ine ku·monggike chanchirimaha.
NPPni sak 5 MLArangan Arunachal Pradesh a·dok sorkariko rikenggipa dolo bak rengsi ra·enga.
Songbad segiparangna aganengon, Arunachal Pradesho gitan Meghalayaoba Inner Line Permitko ra·gatna a·dok sorkari jottn ka·enga ine CM Conrad K Sangma aganaha. “Iani bidingo ma·mong sorkarini ra·chakaniko chinga senge dongenga” ineba ua agandapaha.
“Meghalayao ILPko ra·gatna gita a·dok sorkari 2019 bilsion, CAA-ko ma·mong sorkario ra·chakani somoion ra·gatna tik ka·aha. Chinga Meghalayao ILPko ra·gatna nangnika, indiba ma·mong sorkarini kattako sengenga. Ma·mong sorkari iani bidingo mamingkon agankuja indiba uni bidingo chinga aganrokroke dongenga” CM talataha.
Meghalayao work permit-ko dingtang dingtang pressure grouprangni niani bidingo sing·on, uko darangba nina bil dongja, je dolba work permitni bidingo nina niam gri, aro indake nigipa dolrangko chinga niam gita sorkari badi ka·enga ine ua aganaha.
Arunachal Pradesho MLA election-o susaani bidingo sing·on Conrad aganaha: “Chinga bang·ata candidaterangko chakatatna chanchiachim indiba uan altua kam ong·ja. Indiba chinga kusi ong·a maina ia chango sak 20 baten candidaterang nakataha, manderangni chakpaaniko bang·en man·aha, NPPni ticketo susana namnikgiparang dongaha. Sak 5 candidaterang cheania namen chu·ongbejok.”
Na·simang ia video-koba nina man·gen:
Na·simang iakoba poraina man·gen: Chang 133-gipa Durand Cup-ni Trophy-ko Tura-o mesoke on•aniko dakanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
