Agartala, Apr 15: Salgro salaram jolna aro Tribal manderangni namgnina BJP-chi dilenggipa ma•mong sorkari, dingtang dingtang program-rangko ra•gataha ine Sombar salo, Union Home Minister aro BJP-ni star campaigner Amit Shah, Tripura a•dokni Unakoti a•jao donggipa Kumarghat-o East Tripura Lok Sabha constituency-ni BJP candidate Kriti Devi Debbarman-na campaign ka•engmiting somoio a•kangataha.
Tribal-rangni namgnina ma•mong sorkarini ra•gatgipa program-rangna tangka paisa chamaniko sorkari bariataha ineba Shah aganaha.
Tripura a•doko so•sojengjeng ong•enggipa kamrangna Union Home Minister, Congress aro CPI(M) dolrangkoba matnangataha.
Batanggimin bilsi chikkingo Modi sorkari, gong crore 90,000 tangkarangko Tripura a•dokna chame on•aha ine janapatengon, a•doko nok-jamrangko rikna gong crore 20,000-ko, rama jal•langrangko namdapatna gong crore 17,000-ko, rel garirangko ra•badapna gong crore 2000-ko aro airport-ko namdapatna gita gong crore 1000 tangkarangko ma•mong sorkari chamataha ine Shah parakataha.
Tripura a•dokni Lok Sabha seat damgni, chong•motan East Tripura aro West Tripura constituency damgnion BJP-ko seokenba, Narendra Modi-ko gittamgipa changna Prime Minister ong•atpiltaichina gitaba ua Tripura a•dokni manderangko didiangaha.
Na·simang ia video-koba nina man·gen:
Na·simang iakoba poraina man·gen: Union Home Minsiter, Manipur aro Tripura-o April jani 15 tariko tom•bimonganio aganprakgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
