Imphal, Dec 19: Manipur a•dokni sepangjolo donggipa a•songrangoni napsrukbaenggiparang batroroenganiko champengsona gita,

Salgro Salaram-ni Mizoram, Manipur aro Nagaland a•dokrango Protected Area Regime ba Protected Area Permit (PAP)-ko ma•mong sorkari ra•gataiaha.

Indake, PAP-ko ra•gataianichi a•dokona gipin a•songoni re•baenggiparangko a•dok sorkari name nirokanggen aro uamangba Foreigners (Protected Areas) Order, 1958-o pangchake ia Protected Area Permit-ko ra•na nangchongmotgen ine Manipur a•dok sorkari parakataha.

Ia PAP-ko Manipur, Mizoram aro Nagaland a•dokrango 2011 bilsini January-o, Salgro Salaram a•dokrango tourism-ko tang•doatna mikaonganio Union Ministry Of Home Affairs ra•gate on•aha.

Indake, India a•songona re•bana gita mongsongbate, salgro salaram a•dokrangona re•bana gipin a•songni manderang PAP-ko ra•na nangchongmotgen. Ia Permit-ko sal 10-na on•gen jekon ja•mano nanggenchimode ra•dodapnaba man•gen aro ia PAP-ko Union Home Ministry aro a•dokni authority-rangni jakoniko ra•na man•gen.

Na·simang ia video-koba nina man·gen:

Na·simang iakoba poraina man·gen: Tripura a•doko bilsi sokkugijagipa me•chik bi•sarangko bia ka•e on•ani batroroenga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub