Guwahati, Sept 12: Sukrobar salo Kaziranga-o Regional Action Plan for Elephant Conservation-ni tom·aniko ong·ataha aro uni dal·dalgipa forest official-rang, conservation, expert-rang, researcher-rang aro dingtang dingtang songrangni manderang bak ra·angaha.
Ia session-ko Ministry of Environment, Forest and Climate Change (MoEFCC) committee-ni mikkango gitcham ADG (PT&NTCA) S.B.S.Bonal, IFS dakdilangaha. Assam-ni senior forest official-rang- Special Chief Secretary (EFCC) M.K. Yadava (Retd), aro Dr. Vinay Guota, PCCF (CWLW) ia chanchirimanirango bak ra·angaha.
Ia chanchirimanirangko dakanio ong·enggipa obostarang jekai mande aro mongma-ni gisepo neng·nikanirang, dongchakram biaprang aro songni-nokni manderangni bakrimanirangni gimin agangrikangaha. Songni-nokni dingtang dingtang dolrang jekai Eco-Development Committtee-eang (EDC-rang), Village Defence Party-rang (VDP-rang) aro songni manderang, researcher-rang aro mongmarangko naljoke rakkina kam ka·giparang baksa chanchirime cholrangko sandiaha.
India-ni Salgro Salaram jolo dam 13 elephant reserve-rang aro bang·a mongma-rangni ramarang donga, aro iarangan Asia-ni burungni mongma-rangni janggi tanganina nangchongmotgiparang ong·a. Ia reserve-rang Arunachal Pradesh, Assam, Nagaland aro Meghalaya-o donga aro mongmarang bilsi-kari sokjoko a·dok damsaoni damgipinona songrea. Ia ramarang uamangko naljoke dongna dakchaka aro manderang baksa a·sel ong·gnirangko komiata.
MoEFCC-ni Project Elephant-ni ning·o tarigimin Regional Action Plan-o bang·a miksonganirang gnang:
1.Sikar ka·na on·gijani, niamrangko ra·gatani aro mongmarangni ramako uamangna naljoke rakkianichi mongmarang aro uamangni dongramko simsakani.
- Neng·nikanio ga·akgipa manderangna seng·gnang mikrakatani, ta·rake aganchakani aro dakchakani cholrangko on·anichi mongma-mande golmal ong·anirangko champengani
3.Sikar ka·ani aro niam gri mongma wagam aro uandakgiparangko badinganiko dontongatna kam ka·ani aro iarangni bidingo sandianirangko bilakbatatani.
- Survey-rang, veterinary surveillance aro geospatial technology-rangko jakkale am·sandiani aro obostarangko nirokani
- Rim·gimin mongma-rangko sanna-banani, a·sel ong·aoniko jokatani aro namatpilani cholrangko on·ani
- Niamrangko tariani aro chanchisamsoanirango buurng-bolgrimrangna, songsarna aro samtangtangna chanchie dakna gita dingtang dingtang sector-rangni bakrime kam ka·ani
Ia action plan-ko tarianio, biaptango ong·manchagipa obostarango pangchakani, songni-nokni manderang baksa bakrimani aro pil·nipil nirokanirangko dakna nanggen ine official-rang talataha. Salgro Salaram jolo mongmarangko naljoke rakkiani aro ripinganina namgipa, bilakgipa cholrangko dakna nanggen ine tik ka·angaha.
“Biaptango mongmarangko namedake rakkianiara uamangni dongramrangko naljoke donani aro pilak kamrangon songni-nokni manderangko bak ra·atanio pangchaka,” ine bak ra·giparang session-ko ong·atmitingo talate on·angaha.
Na·simang iakoba nina man·gen:
Na·simang iakoba poraina man·gen: Cabinet-o agangrikani ja·man SIT-ni report-ko jinmana parakatgen: Assam CM
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
