Shillong, Jun 3: Ia 2026 bilsini Higher Secondary School Leaving Certificate (HSSLC) Arts, Science aro Commerce stream-rango, chubata gadangrangko man•e chu•sokanggipa chatro chatrirangna Budbar salo, Meghalaya a•dokni Chief Minister Conrad K Sangma, Shillong songjinmao donggipa uni noko, mande ra•pilskaaniko dakangaha.
Ia porikkao nambee dakahani gimin chatro chatrirangna an•tangni namgipa skanirangko on•angengon, uamangni bimchipe poraiani, namgipa bewalko ja•rikani aro chakchikrakanichi ia namgipa biteko man•e, uamangni nokdangrangna, skulrangna aro a•dok gimiknan mikkim rasongko ra•baaha ine Chief Minister aganaha.
Mikkangchiba an•tangtangni kamrango pangnan teng•sugiparang ong•na krengchina chatro chatrirangko didiangengon, uamangni chu•sokanirangchin uamang dal•bate jumang nikna, rakbate kamrangko ka•na aro mikkangchi dal•batgipa chu•sokanirangko man•angkuna didiani ong•gen ine Chief Minister aganaha.
Uamangni chu•sokaniranga, Meghalaya a•dokni gipin chatro chatrirangnaba didiani ong•a aro ian a•doko chadamberangni chu•sokgipa ong•na man•aniko mesokaniba ong•a ineba Chief Minister aganaha.
Na·simang iakoba nina man·gen:
Na·simang iakoba poraina man·gen: NEHU Tura Campus-o Scientific Honey Beekeeping Integrated with Oilseed Mission-ni bidingo State Level Seminar-ko a·bachengate on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
