Shillong, Jun 29: Meghalaya a•doko Inner Line Permit (ILP)-ko ra•gatna gita party aro sorkarini gadangoba raken kamrangko ka•enga indiba ILP-ko ra•gatanio a•doknasan ong•aigija, gipin biaprangoni re•baenggipa manderangnaba namgni ong•skana nanggen ine Sombar salo, Bharatiya Janata Party (BJP)-ni MLA AL Hek aganaha.

Iani bidingo kobor ra•timgipa manderang baksa agangrikengon, a•doko ILP-ko man•e on•na party aro sorkarini gitaba krenge kamko ka•enga indiba ILP-ko ra•gatengon, dolsachipakkosan champengani dongaigija, gipin biaprangoni re•baenggipa manderangnaba namgni ong•na nanggen aro tourist-rangni re•baanichi a•dokni namroro silroroanioba namgni ong•na nanggen ine Hek aganaha.

Meghalaya a•dokara, gipin a•dokrangona re•a doani cholguga gitaba ong•engani gimin biap damsaoni biap damgipinona re•ruraenggipa manderangna maming champengani ba neng•nikanirang dongna nangjawa ineba ua aganaha.

Garo aro Khasi ku•sikrangko Constitution-ni Eighth Schedule-o chapatchina dabienggipani bidingo janapatskaengon, iani bidingo BJP, a•songni Prime Minister Narendr Modi-na sedoattaiaha ine Hek parakataha.

Je ku•sikan Eighth Schedule-o chapatna gita dongimin niamrangko chu•sokatahachim, uandakgipa ku•sikrangko Eighth Schedule-o napatna gita cholrangko nichengna nanga ineba ua aganaha.

Garo aro Khasi ku•sikrangko Eighth Schedule-o chapatchina mol•mole seatgipani bidingo da•o dipet uamang maming aganchakanirangko man•soa dongkuja ineba BJP MLA parakataha.

Na·simang iakoba nina man·gen: 

Na·simang iakoba poraina man·gen: Arunachal Pradesh-o rang•gitik chi bananio gimaeggipa a•chik bi•sako am•sandianiko dakuenga

na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub