Shillong, June 29: Arunachal Pradesh-ni Keyi Panyor a•jao mikka wanichi rang•gitik NEEPCO hydel project colony-o chi bananio gimaenggipa, East Garo Hills a•jaoni bilsi 13 ong•gipa Elis Marak-ko man•kujaenga aro naljokatgipa donglang uko am•sandianiko dakuenga.
Mikka jime wani a•sel Possa chibimani chi ta•raken dal•enba, NEEPCO project colony-ko chi banangaha.Yazali jolrang konta 24-ni gisepo 72.8 mm mikka wangaha.Rang•gitik mikka waenba chi-rang dal•anganichi adita biaprangode a•arang rurongaha.
Bilsi 13 ong•gipa me•chik bi•sa Elis Marak, minggipaba chi bananio man•pakangiparangoni saksa ong•achim. Uni abitang Ballari Marak jean bilsi 30 ong•ahachim, uni manggisikode sonibar salo man•pilahachim. Uni ma•gipa chibanangaoni jolrikgenchimoba saknaako man•skaha aro da•o hospital-o sana bananiko dakenga.
NDRF-ni 12th Battalion-ni Deputy Commandant, Anand Patel, gimaenggipa manderangko sandina dingtanggmancha sandiani bosturangko, ringrang aro sniffer dogs-rangko jakkale sandianiko dakenga aro iarangko dakna gita chingni team-rang bosturangko ra•e mijal salni bakko re•baaha, ine ua aganangaha.
Am•sandianiko dakna bilakabatatna gita NDRF-ni personnel-rangko baridapataha, ine Patel agandapangaha.
Na·simang iakoba nina man·gen:
Na·simang iakoba poraina man·gen: Special Intensive Revision-ko dakanio kenjachina manderangko DC didia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
