Shillong, Jun 29: East Khasi Hills a•jao electoral roll-rangko Special Intensive Revision (SIR) dakani bak gita nokantiona re•e, electoral roll-rangko nipiltaina siengahaon, ian electoral roll-rango bimingo dongkugijagipa manderangko segatnasa aro bimingrangko den•galna dakenga ong•ja ine SIR-ko dakanio bakrimchina East Khasi Hills a•jani Deputy Commissioner Abhilash Bharanwal, manderangko didiataha.
Special Intensive Revision-ko dakani bidingo kobor ra•timgiparangna talataniko on•angengon, Election Commission-ni electoral roll-rangko Special Intensive Revision dakani bak gita June 30 tarikoni July 29 tarikona Booth Level Officer (BLO)-rang, pilak constituency-ni nokdang ge•antionan re•anggen aro 2005 bilsini electoral roll-rango biming donggipa manderangna self-enumeration ba an•tangtang biming segatani form-rangko sualanggen ine Deputy Commissioner parakataha.
SIR-ko dakani miksonganiko talate on•angengon, ian electoral roll-rango biming dongkugijagipa manderang, jemangan bilsi 18 gapaha, uandakgipa manderangko biming segatna miksonganisa ong•a aro manderangko biming den•galna miksonge dakenga ong•ja ine Bharanwal aganaha.
Election Commission-ni tik ka•gimin gitade, BLO-rangni on•gipa form-rango manderang gapatenba, jasana field verification-ko dakengmiting somoio BLO-rangna on•pilna nanggen aro uni ja•man jasanade bimingrangko taridapna, jegalna nanganirangko jegalna somoiko ra•anggen. Uni ja•man Electoral Registration Officer-rang jasani gisepo taridapna nanganirangko taridapgen aro bon•kamgipa electoral roll-ko ia 2026 bilsini October 7 tariko chapa ka•gen ine East Khasi Hills a•jani Deputy Commissioner parakataha.
Enumeration-ko dakengmiting somoio ba bimingrangko segatengmiting somoiode maming lekkarangko on•na nangjawa aro an•tangtangni biming segatgimin form-rangkosan BLO-rangna on•na nangaigen ine u•iatengon, badiaba somoirangosan BLO-rangni taldapna nanganirango, manderang an•tangtangni gipin lekkarangkoba on•chapna nanggen ine Deputy Commissioner talataniko on•angaha.
Deputy Commissioner-ni u•iatani gitade, SIR-ko dakanio ming 11 nangchongmotgipa lekkarangko mesokna nangani gimin Election Commission u•iatahaoba, manderangni on•gipa Mondoli ba Nokmarangni certificate-rangkoba ra•chakchina gita BLO-rangna ge•etaniko on•manaha.
Na·simang iakoba nina man·gen:
Na·simang iakoba poraina man·gen: Arunachal-o a·a ruronganio Boko-ni chadambe saksa sia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
