Shillong, Jylliew 03: U Myntri kam pohïing barim ka Jylla James K Sangma u ai khublei ïa ka Sorkar synrop Meghalaya Democratic Alliance (MDA) II kaba la ai jingkyrshan ïa u kum u kyrtong monlang naka bynta elekshon MP Rajya Sabha.
Haba thoh ha ka X, u National Vice President ka NPP u la ong ba u dap daka jingsngewnguh ia ka jingkyrshan jong ka Party bad ki sengsain pyrthei ba iatreilang.
“Nga pdiang daka sngewrit ïa ka rai jong ka NPP bad ki paralok ba ïatreilang jong ngi ha ka MDA ba kyrshan ïa nga kum u kyrtong monlang na ka bynta ka elekshon MP Rajya Sabha” la thoh u James.
Ka MDA, kaba kynthup ïa ka NPP, UDP, BJP, HSPDP, bad 2 ngut ki Independent, ka la mynjur ïa ka kyrteng jong u James PK Sangma na ka bynta ka shuki MP Rajya Sabha ba marwei jong ka Jylla ka ban sah thylli hadien ba u MP u Dr WR Kharlukhi un pyndep ïa ka samoi treikam jong u.
Ka elekshon kan long ha ka 18 tarik Jylliew.
U James u badei ruh u MLA barim na Dadenggre constituency, u la long kum u Myntri ka tnat kam poh iing ha ka sorkar MDA I hynrei u la rem noh haka ilekshon MLA 2023.
Peit ruh :
Wad ia ki khubor ba dang shu jia na man ki jaka kyndong ka thain Shatei Lam Mihngi ha hubnetwork.in, ka tyllong khubor online jong phi ban lap ia man ki khubor ba dang jia, ki jingring durkhih.
Bud ruh ia ki ha ka
Twitter – twitter.com/nemediahub
Youtube channel – www.youtube.com/@NortheastMediaHub2020
Instagram – www.instagram.com/ne_media_hub
Download ia ka app jong ngi na playstore – Northeast Media Hub
