Tura, June 3: Mongolbar salo, “Scientific Honey Beekeeping Integrated with Oilseed Mission”-ni bidingo State Level Seminar-ko NEHU Tura Campus-o a·bachengate on·angaha. Ia program-ko National Institute for Micro Small and Medium Enterprises (ni-msme), Hyderabad aro Agribusiness Management and Food Technology, NEHU aro MBDA baksa apsan nangrimenba National Beekeeping and Honey Mission (NBHM)-ni ning·o National Bee Board-ni dakchakanichi ong·atenga.
Game ge·e cha·giparang, bija jile cha·giparang, dake rike cha·giparang aro chatro chatrirangko man·chape sak 250 mangni gita bakko ra·giparang ia seminar-ko a·bachengatani salo dongpae bak ra·angpaaha. Ia program-ko ong·atani miksonganiara to bikotna man·gipa pangrangko pollinate ka·na dakchakaniko on·a, mi-misi ge·anirangko bariatan baksana game ge·e cha·giparangna bija bitchi aro gipin bijaoniko man·gipa bosturangoniko tangka paisarangko on·a man·a gita bija bitchirangko jakkalna didianiko on·anian ong·a.
Prof. Deepak Bhagat-ni rimchaksoani kattarangchi ia seminar-ko a·bachengatengon, Dr. Gino A. Sangma ia seminar-ko ong·atani mongsonggipa miksonganiko talate on·angskaaha. West Garo Hills-ni Deputy Commissioner Vibhor Agarwal, NEHU-ni Pro-Vice Chancellor Prof. F. K. Marak aro Assistant Commissioner Saurabh Suman, ia seminar-ni bidingo dingtangmancha jinmana aganprakanirangko dakangaha. Bija jilgipa saksa Randhita Sangma, an·tangni bija jilanio uni changa sapani gimin aganangani gisepon, ia program-ko ong·atanio una mande ra·pilskaanikoba dakangaha.
Skanggipa salni technical session-o bija jilaniko, to bikotna man·gipa gama ge·anirang baksa brinatan baksana jolo songdonggipa manderangko uamangni kam ka·ani bewalrang aro tang·dororoaniko namdapatna nanggipa u·i-ma·siani aro changa sapaniko skie ra·na dakchakaniko on·anina gisikko on·batangaha.
Ia seminar-ko June jani 4 tariko matchotatna skang uamang maikai bija bitchirangko bikotachim, namgipa bija bitchiko rakkiani, bija bitchioniko tarigipa bosturangko namdapatani, game ge·e man·giparangko bading chiwalanirangko ra·doani, pala sim·aniko namdapatani aro bading chiwale cha·ani dingtang dingtang cholrangko sandie niani bidingo chanchirimaniko dakanggen.
Na·simang iakoba nina man·gen:
Na·simang iakoba poraina man·gen: Mendipathar-o Rubber Producers Society-ni Processing Centre-ko kulia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
