Shillong, Mar 5: University of Science and Technology Meghalaya (USTM)-ni sandirikitaniko dakenggipa dolrang baksana Jorhat-ni CSIR-Northeast Institute of Science and Technology (NEIST)-ni sandirikitaniko dakenggipa dolrang nangrimenba, sandirikitaniko dakanio gitalgipa rokomni pul “Begonia narahari” ko Arunachal Pradesh-ni Lohit a•jaoniko nikna man•aha.
Ia sandirikite manani, pulrangni rokomrangko bariatasan ong•aija indiba, songjinmarangko apalbatataniko aro ong•telaigipa gamrangni gimaanganiko ripinganio jotton ka•ani gamchatanikoba mesoka.
USTM-ni Assistant Professor, Dr Nazir Ahmad Bhat aro CSIR-NEIST-o PhD-ko poraienggipa, Bipankar Hajong, Begonia pulni rokomrangko nikenba uarangko chimongaha.
“Ia pulni bimungko, CSIR-NEIST-ni gitcham Director Professor, Garikapati Narahari Sastry-ni Northeast-o Bioresources ba pilak matburung aro sam pulrangko sandirikitaniko dakani, Germplasm Conservation Centre-ko a•bachengatanio on•pilpaanina aro salgro salaram jolni namgnina on•kange kam ka•anganiko gisik ra•na inenba ‘narahari’ ine bimung donaha” ine Dr Nazir Ahmad Bhat aganaha.
Ia rokomni pul, salni teng•sudapaniko man•on tangsim rong ong•kata. Indake ia Begonia narahari pulko, Arunachal Pradesh-ni Lohit a•jaosan nikna man•kuenga aro ia pulni gimin u•iani komikuengani gimin, Data Deficient (DD) inenba IUCN-ni gita chankuenga.
Indake, wa•al kamanichi, buringni bolrangko ratanichi, ge•e game cha•anichi aro songjinmarangni bariroroanichi, rokomanti ong•telaigipa gamrangni gimaanganiko nikna man•a aro iarangko ripingna gita ja•kurangko de•na gita nangenga inenba nikna man•a.
Na·simang iakoba poraie nina man·gen: Mawphlang-Sohra ramako March 8-oni 10-ona dal•gipa garirangko changpengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
