Shillong, Mar 5: Mongolbar salo, Meghalaya a•dokni Chief Minister Conrad K Sangma, Ri Bhoi a•jani Umbuda Football Ground-o Artificial Football Turf-ko tarina gita pangchakani ro•ongko songe on•angaha.
Pangchakaniko songe on•anganio a•dokni Chief Minister, jinmana aganprakengon, cholrangko on•genchimosa chadamberang, kal•susaanirango chu•sokgipa ong•e a•dokna mikkim rasongko ra•bae on•na man•a ine parakataha.
A•doko kal•susaanirangko tang•doatna gita sorkari tangka paisarangko chame on•angkugen ine janapatengon, kal•susaanirangosan ong•aigija chadamberang, doka dam•ani, bading chiwalani aro an•tangtangni gisik nanggipa kamrango chu•sokgiparang ong•na man•na gita sorkari, gong crore 2800-mangni gita tangka paisarangko chamataha ine Chief Minister parakataha.
Ri Bhoi a•jao Mother & Child Hospital baksana District Medical & Health Office-ko April jaon chalaina a•bachenggnok aro je Trauma Centre-o da•o District Medical & Health Office-ko nokchakengachim, iako Trauma Centre gita chalaignok ineba Chief Minister parakataha.
Ri Bhoi a•jao rama jal•langrangkoba sorkari nambatatengaha ine janapatengon, Nongpoh-Sonapur ramaba Meghalaya Integrated Transport Project-ni gnigipa bako ong•engaha ine Chief Minister aganaha.
Nongpoh-o 132 KV grid-ko chatna gita sorkari gong crore 75 tangkarangko chamataha ineba Chief Minister parakataha.
Ong•gija ramarangko re•e, Isolni on•gimin changa sapanirangko nisie galjachina gitaba a•dokni Chief Minister, ia tom•anio bak ra•gipa chadamberangko didiataha.
Na·simang iakoba poraie nina man·gen: Sandirikitaniko dakenggipa dolrang gitalgipa rokomni begonia pulko Arunachal Pradesh-o man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
