Shillong, Mar 19: Meghalaya a•dokni manderangna sanna bananirangko ra•anio dakchakaniko on•na gita a•dok sorkari, Meghalaya Health Insurance Scheme (MHIS) baksana da•o ‘CM Care+’ gital scheme-koba a•bachengataha ine Budbar salo, Meghalaya a•dokni Health Minister Ampareen Lyngdoh parakataha.
Iani bidingo kobor ra•timgiparangna talataniko on•angengon, ia gital CM Care+ scheme-ni ning•o gong lak 5-ona kingking insurance-ko on•ani donggen aro ia scheme-an MHIS-ni ning•o man•gopgijagipa dingtang dingtang sanna bananirangkoba man•gopgen ine Lyngdoh aganaha.
Ia gital scheme-ara MHIS-PMJAY-o insurance bon•giminrangna namgni ong•gen aro MHIS-ni ning•o man•chapgijagipa sanna bananirangnaba tangka paisani gita dakchakanirangko on•gen ine Lyngdoh aganaha.
Lyngdoh-ni aganani gitade, ia gital CM Care+ scheme-na gadanggni dake ra•chakani donggen aro uan district level-o gong lak 2-ona aro state level-o gong lak 2-oni lak 5-ona ong•gen.
Indake ong•genchimoba, ia gital scheme-ko ma•mong aro a•dok sorkario kam ka•enggiparang aro uamangni nokdangrangde ra•na man•jawa ine Health Minister parakataha.
Na·simang ia video-koba nina man·gen:
Na·simang iakoba poraina man·gen: Super 5 NJY Memorial Cup 2025-ko ICFAI University ong·atenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
