Shillong, Dec 9: Ia antio, Hyderabad-o ong•atnasienggipa Santosh Trophy 2024-25-ni Senior Men’s Football Championship-o susana gita Meghalaya dol, Shillong songjinmaoni Sombar salo re•chakatangaha.
Goa, Delhi, Kerala, Tamil Nadu aro Odisha baksa Meghalaya a•dokba group-B-o ga•akpagipa ong•a. Hyderabad-ni Deccan Arena-o December jani 15 tarik attamni 2:30 bajio, Meghalaya-ni dol uamangni skanggipa kal•aniko Tamil Nadu baksa kal•anggen.
Chu•sokgipa dol 4-rang quarterfinal-ona doanggen. Meghalaya dol, 2022-23 bilsio 2-gipa biapko man•rikahani gimin ia bilsio nambate dakna miksongenga.
Re•anggipa jao, Assam Nalbario group E-ni preliminary round-o dolgni chegipa baksana draw ong•gipa dol final round-ona doangaha.
Ia dol-ko changsatai, namen mingsingbegipa aro kal•na sapbegipa Hering Shangpliang skie on•aniko dakanggen aro Fullmoon Mukhim-an ia dolko captain ong•e dilangkugen.
Meghalaya dolko pringo watatani somoio, President Hamlet Dohling, General Secretary Sunesh Syiem, Vice-president Cliff Nongrum aro Treasurer Prosper Warjri baksana Meghalaya Football Association-ni senior official-rangba dongpaaha.
A•dok gimik na•simangna chakpaaniko on•enga aro na•simangko chena ka•dongsoenga. Assam-o skanggipa round-o kal•anio na•simang name dakahani gimin a•dokni manderang da•o na•simangko final round-o cheaniko man•gen ine ka•dongenga. Na•simangni kal•anio saksantian cheaniko nangnika. Na•simang rake kamrangko ka•ahani gimin, niamrangko name ja•rike aro apsan ku•monge kamrangko ka•ode maikai cheaniko man•jawa, inenba Dohling, Meghalaya dolna ku•pattianiko on•angaha.
Na·simang ia video-koba nina man·gen:
Na·simang iakoba poraina man·gen: Tura Youth League a•bachenga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
