Dibrugarh, Feb 23: Cha bijak akgipa dolrang bilsini gitalgipa cha bijakrangko akna a•bachengatengon, Sarusajai Stadium-o jatni damarang aro bangsirang gam•chakegen. 2025 bilsini February 24 tariko, Assam-ni cha bagan dakgipa jatrang a•gilsak gimikna uamangni apalbegipa jatni dakbewal rikbewalrangko mesokani bak gita Prime Minister Narendra Modi-na, Jhumur chrokaniko mesokanggen.
Jhumur ian jatni bewalo chrokani ong•a, jean uamangni kam gong•ani aro cha bagano kam ka•ani bewalrangko ripingbaanikoba mesoka. Chotanagpur-ni ia chrokaniko biaprang jekai Jharkhand, Odisha, Chhattisgarh, Bihar aro West Bengal-oba chrokaniko dakronga. Chadambe me•chikrang jinma apsan kangkareko rim•e chrokaniko daka aro me•asarang jatni doka dammanirangko dakangskaa.
Jhumur chrokanio namen mingsinggipa Ram Sasoni, batanggimin bilsi 200-na maikai ia chrokaniara cha bagan dakgipa jatrangni gisepo adita dingtanggrikanirang donggenchim ong•oba, uamangni jatko ripingbana gita dakchakachim talate on•angaha. Assam Chah Mazdoor Sangha (ACMS)-ni Vice President, Nabin Chandra Keot, itihas-o gisik ra•na krabegipa ia tom•bimonganina rasong chaa ine aganangan baksana Jhumur chrokaniko ra•doanina Assam Sorkari-koba demittelangaha.
Ia chrokaniko dakgiparangna dakchakaniko on•a gita, Skotong Minister Dr. Himanta Biswa Sarma, chrokgipa aro skigipa sakprakna tangka gong 25,000-ko aro chrokanio namen sapbegipa dakchakgiparangna tangka gong 30,000-ko aro cha bagan damprakna cultural club-ko bikotna gita tangka gong 25,000-ko on•anggen ine parakataha. February jani 23 tarikni attam 6 bajio, ia chrokanina bon•kamgipa tarisamsoaniko nina gita manderangko okamataha.
Ia tom•bimonganiara chrokani mangmangsan ong•aija indiba ian Assam-ni cha bagan dakgipa jatrangni bil aro ma•gitcham pagitchamrangni dakbewal rikbewalrangko mande ra•aniko mesokaniba ong•a.
Na·simang ia video-koba nina man·gen:
Na·simang iakoba poraina man·gen: Tura-ko Winter Capital songchina dabie awareness program-ko a·bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
