Williamnagar, Feb 6: Manderang an•tangtangni neng•e man•gipa tangka paisarangko naljoke rakkina gita bank-rangon ka•donge dontokronga indiba adita salrangna skang, Williamnagar aro Nongalbibra-o donggipa State Bank of India (SBI) branch-rango, manderangni tangka paisarangko oke katani ja•man bank-rango ka•dongna man•gijaniko ra•baaha.

SBI Williamnagar branch-o joint savings account-oni gong kror 1.46 tangkarang gimaanina Retmilla Rongdeng Sangma minggipa me•chik saksa, police-rangna FIR ka•doangaha.

Ia me•chikni FIR-o parakani gitade, ua an•tangni dedrang baksa SBI-ni Williamnagar aro Nongalbibra branch-rango tangkarangko chimonge donna gita joint savings account-ko kuliahachim indiba re•anggipa 2024 bilsini November 14 tariko, bank account-ko nipilon uamangni tangkarang, ia joint savings account-oni gimaaha ine uamang nikna man•aha.

Tangkarang gimaani gimin bank statement-rangko nipilon, uamangni tangkarangko 2023 bilsini June 22 aro 2024 bilsini November 14 tarikni gisepo saoba oke ra•aha ine ua nikna man•aha.

Ia tangkarangko SBI Williamnagar branch-o clerk-ni kamko ka•enggipa Easter Momin-ni bimingo, cheque aro online gitasa oke ra•aha ineba Sangma, Williamnagar Police Station-na ka•gipa FIR-o parakaha.

Bank account-o link ka•gipa Retmilla Rongdeng Sangma-ni mobile number aro address-koba uamangna u•iatgija dingtangataha aro ia mobile number aro address-rangara, Easter Momin baksa meliskaachim.

Uni tangkarangko oke ra•aha ine nikani ja•man ia me•chik, SBI-ni official-rangna baditaba chang chittirangko see u•iataha aro 2024 bilsini December 16 tarikoba legal notice-ko on•aha indiba bank official-rang maming ja•kurangko de•gija, sandirokanirangko dakenga inesan una u•iataiaha.

Bank-o kam ka•enggipa Easter Momin, an•tangan ong•gija dakaniko ku•rachakahaoba aro iani bidingo nanga gitan sakkirangko man•ahaoba bank official-rang, dos dakgipa manderangni kosako maming ja•kurangko de•kujaenga aro oke ra•gimin tangkarangko una on•pilkujaenga ineba Retmilla Sangma FIR-o parakaha.

Na·simang ia video-koba nina man·gen:

Na·simang iakoba poraina man·gen: ADC election-o NPP chena ka•dongsoenga: Ampareen

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub