Shillong, Feb 5: National People’s Party (NPP)-ni dilgipa aro Cabinet Minister ong•enggipa Ampareen Lyngdoh, Khasi aro Jaintia a•jarangni Autonomous District Council (ADC) Election-o NPP dol bang•bata seat-rangon chena ka•dongsoenga ine Budbar salo parakataha.
Kobor ra•timgiparang baksa agangrikengon, February 21 tariko ong•atnasienggipa Khasi Hills Autonomous District Council aro Jaintia Hills Autonomous District Council-ni election-o susana gita NPP dol tarisamsoengaha aro party-ni kam ka•aniko manderangba nikmanahani gimin uni dolan bang•bata seat-rangko man•e chegipa ong•gen ine Lyngdoh parakataha.
Ia election-o gipin party-ni candidate-rangba chena ka•donganiko a•kangengani gimin sing•aniko dakon, India a•song jakgitelgipa ong•ani gimin je party-ba an•tang party-ko chegen ina man•aia, indake ong•genchimoba ia election batanggimin MP election baksa namen dingtanggrikani gimin uni party-kon chegen ine niksamsoenga ineba ua aganaha.
Ia ADC election-o sorkari riktaiani gimin janapengon, 1972 bilsini ja•man, NPP dolan sorkari rikgiparangoni dolsa mang•mang ong•e sorkari rikgipa ong•enga ine aganan baksa, NPP dolko galona aro jegalna jotton ka•giparangba gnang, indake ong•genchimoba a•dokni namgnina jekai, rama jal•lang, sanna bannanio, lekka pora bidako on•anio, kamo rakkianio, ge•a gamani a•bao, bading chiwalanio, bang•a dingtanganiko NPP dol ra•baahani gimin ia party mamingkoba kam ka•jaenga ine agana man•ade man•jawa aro manderangba a•doko bang•a dingtanganiko nikengani gimin a•dokna dingtanganiko ra•bagipa dolna pu•ongen ine ka•dongsoenga ineba Lyngdoh janapataha.
Unbaksana Lyngdoh, pu•ona skang name chanchie candidate-ko basee pu•onchina songdongenggipa manderangko didiataha.
Na·simang ia video-koba nina man·gen:
Na·simang iakoba poraina man·gen: Assam-o 2-gipa DU Litfest-ko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
