Shillong, May 5: Dingtang dingtang a•selrangchi, mongsongbate Secondary School Leaving Certificate (SSLC) porikkako pass ka•na man•tokjaengani a•sel secondary gadango poraiako dontonganirang batroroengani gimin a•dok sorkari, iako namatna gita dingtang dingtang cholrangko sandina a•bachengataha.
Education Ministry-ni Unified District Information System for Education Plus (UDISE+) 2023-24 report-o parakani gitade, Secondary level-o, chong•motan Class 9 aro 10-o poraiako dontonggiparang bilsiprakon Meghalaya-o 22%, Bihar-o 25.6%, Assam-o 25.1% aro Karnataka-o 22.1% ong•enga.
Iani bidingo talataniko on•angengon, chatro chatrirang bang•batan SSLC porikkako pass ka•na man•jaengani gimin secondary gadango poraiako dontongtokenga ine Meghalaya a•dokni Education Minister Rakkam A Sangma aganenba, chatro chatrirang dingtang dingtang a•selrangchi SSLC porikkao chu•sokgipa ong•na man•jaenga ine parakataha.
Rakgipa subject-rang, jekai Mathematics aro Science subject-rango chatro chatrirangko dakchakna gita Education department, QR Code donggipa textbook-rangko tariaha ineba Education Minister aganaha.
Ia bilsi MBOSE-ni ong•atgipa SSLC porikkao pass ka•ani 87 percent gapaha ine an•tangni kusi ong•aniko parakatengon, ICSE porikkaoba chatro chatrirang namen dakenga ine Sangma aganaha.
Education Minister-ni aganani gitade, kangal cholgri ong•ani, skulrang chel•ani aro uandakgipa a•selrangni giminba mitam chatro chatrirang, poraianirangko dontongna draatako man•enga.
Mitam songrango higher secondary skulrang dongjani a•sel ma•a paarang dedrangko gipin biaprango poraiatna chol ong•jaengani gimin sorkari, secondary skulrangko higher secondary-ni gadangona ra•doatengaha ineba Sangma aganaha.
Na·simang ia video-koba nina man·gen:
Na·simang iakoba poraina man·gen: Arunachal Pradesh-o Hayuliang -Chaglagham ramako chipanichi manderang neng·nikaniko man·enga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
