Shillong, Oct 5: A•doko ming 17 project-rangko man•gopenggipa Smart City Project-ni kamrang ka•chichamiting ong•engaha ine a•dokni Deputy Chief Minister aro Urban Affairs Minister Sniawbhalang Dhar, Bristibar salo parakataha. Integrated Command and Control Centre (ICCC)-ko re•baenggipa bilsini March jaon matchotgnok ineba Dhar agandapaha.

Shillong songjinmani ramarango gari salna sikket changket ong•engani gimin aganengon, mongsongbatgipa kam ka•chakram Secretariat-ko New Shillong-ona jitangahaode ramarango indake apchangket ong•ani namkalgnok, indiba uko jitangna bilsigni ba bilsi gittamde nangkugen ine Deputy CM aganaha.

“Odd aro Even nomboro pangchake gari watani kam rakbea, chinga jinmani kattarangkoba knachakna nanggen, indiba chinga cholrangko bikote nienga. Mejamangmang iani bidingon chinga Deputy Commissioner baksaba tom•e chanchiaha,” ine ua aganaha.

Deputy CM-ni nikani gitade, ramasamrango garirangko skatang donani a•selba ramarang chang•ketenga aro da•o je gari donramrangkon rikdapenga uarangko matchotahaode ia neng•nikaniko olgrokatna man•gnok.

Manderang a•atangtango jinmani gari donchakramko tarina inode sorkarini gita tangka paisa dakchakaniko on•genma ine sing•on, da•o dipet indakgipa kamrangnade sorkarini gita maming tik ka•ani aro chamani dongkuja, haida mikkangchi nigrikna man•naba donga ine Dhar aganaha.

Iakoba poraie nina man·gen: Midday Meal-o kam ka·giparang, uamangni man·gniko on·china sorkarina antisa somoio on·a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub