Tura, July 20: Meghalaya sorkarini ra•gatgipa Farmers’ Collectivisation for Upscaling of Production & Marketing System (FOCUS) program-ni ning•o Selsella block-ni ning•o donggipa dol 60 farmer producer group-rangna Budbar salo, Meghalaya a•dokni Chief Minister Conrad K Sangma-ni jakchi, gong 50,50,000-ni cheque-rangko Namabilla Kasiapara songo suale on•angaha.
Ia FOCUS program-ara, game ge•e cha•giparangna pala sim•ani cholrangko on•e a•doko gama ge•ani kamrangko tang•doatna gita sorkarini ra•gatgipa program ong•achim.
Ia program-ko ong•atanio a•dokni Chief Minister, ia scheme-ni namgnirangko songni nokni manderangna agan-talate on•angengon, batanggimin bilsignini gisepo COVID-19 giproroahani a•sel game ge•e cha•enggipa manderang janggi tanganio neng•nikanirangko man•na nangahani gimin game ge•e cha•enggipa manderangna dakchakaniko on•na gita sorkari ia program-ko ra•gataha ine parakangaha.
Ia program-ni ning•o sak lak 4.5 game ge•e cha•giparangna sorkari, tangka paisani gita dakchakanirangko on•na miksongenga aro ianoni lak 2.25-mangni gitade sorkarini dakchake on•anirangko ra•manaha ineba Chief Minister parakataha
Producer group-rangko bikote ia scheme-ni namgnirangko ra•china gitaba ua game ge•e cha•giparangko didiangaha.
