Tura, Jan 29: East Garo Hills a•jani District Tuberculosis Office, 100-Day TB Campaign-ko ong•atani bak gita TB sabisini gimin Sensitisation Talk aro Health Camp-ko Rongjeng-o ong•atangaha.

Ia tom•anio TB sabisioni nampilgipa Nengsil Marak, ia  sabisi baksa uni dakgrikaniko jinmana parakangaha aro TB sabisiko man•kuenggipa manderangko sanna bannaniko ra•e sorkarini dakchakaniko ra•china didiangaha.

District Tuberculosis Officer, Dr. Pearly Sangma, National Tuberculosis Elimination Programme (NTEP)-ni “100-Day Intensified TB Campaign”-ni ning•o mikrakataniko on•engani gamchatani gimin talate on•angan baksa, Ministry of Health and Family Welfare, Government of India-ni TB sabisini gimin talataniko on•a aro ia sabisiko seng•gnang porikka ka•e nie sanna bannaniko dakchina u•iataniko on•a miksonganio ia campaign-ko ong•ataha ine aganaha.

East Garo Hills a•jani District Medical and Health Officer, Dr. Cruzies Elmina N. Sangma, ia sabisiko man•gipa manderangko sandie seng•gnang sanna bannaniko on•anio department-ni gita on•kange kam ka•engani gimin janapataha. Indake, TB saenggipa manderangni nokona re•ange uamangna dakchakaniko on•a gita  health worker-rangna dakchakaniko on•skachina songni manderangkoba ua didiangaha.

Rongjeng-ni SDO Civil, Reuben Ch Momin-ba, TB sabisiko dakgrikanio Village Health Councils-ni dakgni kamrangni gimin aganan baksa, TB sabisini gimin mikrakataniko on•enggipa tom•bimonganirango sakantian bak ra•na nanga ine janapataha.

Indake, MLA Jim M Sangma, ia indin sanna bannaniko on•enggipa camp-rango bak ra•e maming kennani gri an•tangtangko porikka ka•e nichina songni manderangko didiataha.

Una agreba ia tom•anio, TB saenggipa sak 15 manderangna cha•a ringanirangkoba suale on•angaha.

Na·simang ia video-koba nina man·gen:

Na·simang iakoba poraina man·gen: Rama sorokrango naljoke re•rurana man•a gita speed breaker-ko tarichina M’laya High Court ge•eta

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub