25.7 C
Tura
spot_img

Setangko so·mal donani gimin mande saksa an·tangni bilsi 20 ong·gipa demechikko so·ota

Must read

New Delhi, Jan 10: Uttar Pradesh a·dokni Fatehpur a·jao, setangko so·mal donani gimin mande saksa, an·tangni bilsi 20 ong·gipa demechikko silchidarechi goe so·otaha.

Police-rangni u·iatani gitade, ia me·chik an·tangni mikchagipa mande baksa ong·gija dake roengkua ine me·chikni niotangrang matnangenba Bristibar salo uni nokona watatpilani ja·man ia mande, jekon Chandra Mohan Singh mingachim, suk ong·jae an·tangni demechikko so·ote galaha.

An·tangni demechikko so·otani ja·mano Jaisinghpur songni Chandra Mohan, police station-ona re·angenba, an·tangni silchidare baksa an·tangko bame on·eaha ine u·iataha.
Ia mande, an·tangni demechik Swati-ko sambaoni guli ponggittamchi goaha aro ua biapon sikamaha ineba police-rang u·iataha.

Koborko on·ani gitade, so·otako man·gipa Swati, bilsisamangna skangsan, Kanpur a·doko donggipa Sachendi-ni Singhpur jolo donggipa saksa Nagendra Singh-ko bia ka·ahachim.

“Ia me·chikni ong·gija dake roani bidingo ma·siani ja·man uni niotangrang uko Bristibar salo uni ma·a paani nokona watpilatahachim. Uni nokdangoni koborko on·ani gitade, ia me·chik an·tangni pagipa baksa kajia ong·aha aro an·tangni mikchagipako watna jechakahachim,” ine Circle Officer (City) Anil Kumar parakataha.

Demechikgipa baksa kajia ong·ani ja·man Chandra Mohan, an·tangni licence donggipa silchidarechi uko goe so·otaha aro demechiktangni ong·gija dakgipa kamrangna suk ong·jae uko so·otaha ine ja·mano police-rangna aganeaha.

spot_img

More articles

spot_img
-->

Latest article