Baghmara, Jul 8: Bilsianti ong•atrongbaenga gitan ia changoba Independence Day Cup Football Tournament-ko South Garo Hills a•jani Siju songo ong•attaienga aro ia robol kal•susaaniko Mongolbar sal dipet a•bachengataha.
Ia robol kal•susaanio gimik dol 32 robol kal•giparang bak ra•enga aro ia robol kal•susaaniko a•bachengatanio, Garo Hills Autonomous District Council (GHADC)-ni Chief Executive Membor (CEM) Albinush R Marak, mongsonggipa sokgipa ong•e jinmana aganprakangengon, ia robol kal•susaaniko ong•atenggipa committee-ko mittelpilangenba, ia kal•susaanio bak ra•enggipa pilak dolrangkon name kal•china ku•pattianiko on•angaha.
Ia football tournament-ko ong•atna gita bilsiantian Meghalaya a•dokni Cabinet Minister aro Siju-Rongara constituency-ni MLA Rakkam A Sangma, tangka paisarangko dakchake on•enga aro ia changoba ua ia robol kal•susaaniko ong•atna tangka paisarangko dakchake on•angan baksana ua an•tangba ia kal•susaanio bak ra•na ku•rachakaniko on•angaha.
Ia football tournament-ni final ba bon•kamgipa kal•susaaniko re•baenggipa August-ni 15 tariko a•songni jakgitelaniko maniani salo ong•atanggen.
Na·simang ia video-koba nina man·gen:
Na·simang iakoba poraina man·gen: NEHU, Russian University baksa bakrima
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
