Baghmara, Feb 6: Manderangna nambate dangdike on•na aro sorkarini kamrangko nambate chu•sokate on•na gita Bristibar salo, a•dokni Cabinet Minister aro Rongara-Siju constituency-ni MLA Rakkam A Sangma, South Garo Hills a•jao dingtang dingtang department-rang, mongsongbate Horticulture, Agriculture aro Fishery office-rangni jako ra•e ka•enggipa project-rang aro action plan-rangko nipilangaha.
Ia department-rangni scheme aro project-rangko nipilangengon, office-o kam ka•enggiparangkoba ua grongjolangaha aro kamrangko nambate ka•china agan-ku•pattianirangkoba on•angaha.
Agriculture aro Horticulture department-ni scheme aro project-rangko nipilangengon, manderangna mi bitchilranko sualani, sweet corn bitchilrangko sualani, aro power tiller subsidy on•anikoba Minister nipilangenba, ia bilsio South Garo Hills a•jani game ge•e cha•giparangna power tiller bol 30 aro tractor bol 2-ko sualanggen ine parakangaha.
Ma•mong sorkarini PM Kisan scheme-ko nipilangengon, game ge•e cha•enggiparangna tangka paisani gamanirangko a•dokni Cabinet Minister niangaha.
Office-o kam ka•enggiparangni gimin chanchirimangengon, Agriculture department-o kam ka•enggiparang chu•ongjaengani a•sel neng•nikanirangko chagrongna nangenga ine South Garo Hills a•jani District Agriculture Officer, a•dokni Cabinet Minister-na u•iataha.
Na·simang ia video-koba nina man·gen:
Na·simang iakoba poraina man·gen: SBI Williamnagar Branch-o me•chik saksani gong cr 1 batpile tangkarangko oke kata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
