Shillong, Apr 7: Khasirangni bilsianti manirongenggipa Shad Suk Mynsiem manianiko Sombar salo, sak hajalsa baten chrokgiparang bak ra•anichi Shillong songjinmani Weiking Ground-o matchotataha.
Ia salgittamna manianggipa Shad Suk Mynsiem-ko Sonibar salo a•bachengataha aro ia manianiko a•bachengatanio, sak 370 chrokgiparang bak ra•angaha. Robibar salo sak 579 manderang bak ra•e ia maniani ga•subatangaha aro uandaken bon•kamgipa salode sak hajalsana baten chrokgiparang bak ra•e, ia manianiko an•saobee matchotataha.
Ia Shad Suk Mynsiem maniani bidingo Seng Khasi Seng Kmie-ni Vice President PD Nongrum, kan•dike talataniko on•angengon, skanggipa chrokaniko 1911 bilsio ong•ataha aro ‘Shad Suk Mynsiem’ bimingko 1912 bilsioni a•bachengataha ine parakataha.
Ia manianiko skangode Mawkhar-o ong•atachim indiba ja•mano ia manianiko Weiking Ground-ona apjitangskae da•alonan ia biapo manirongenga ineba Nongrum aganaha.
Ia manianio chrokgiparang, mongsongbate chadamberangni bak ra•anirang batrorobaenga ine an•tangni kusi ong•aniko parakatengon, ian jatni daka rikaniko tange rakkiani chinsan ong•aigija, nambatrorobaenganiko mesokaniba ong•a ine Nongrum aganaha.
Ia Shad Suk Mynsiem-ko bilsiantian April jao ong•atronga aro ian Khasirangni, gama ge•ani kariko a•bachengna gita mittelpile aro mikkang bilsina ka•dongsoe maniani ong•a.
Na·simang ia video-koba nina man·gen:
Na·simang iakoba poraina man·gen: Doordarshan Kendra Tura indin mikron check-up ka·aniko ong·ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
