Shillong, Nov 29: Ri Bhoi a•jani Shangbangla-o donggipa a•kuango tarakprete re•bagipa truck bolsa Mongolbar walni 10:00 baji mango ga•aksruaha aro ia a•sel ong•anio saksa siaha.

Ia a•sel ong•anio sianggipa mandeni bimungko u•ina gita man•kujaoba truck driver-na dakchakpagipa ong•achim ine u•ina gita man•aha.

Koborrangko man•soani gita, WB-91-8529 gari number-ni truck, Shillong-oni Guwahati-ona kamgimin koilako salangenggipa ong•achim. Indake ia gari, namen tarakprete re•angenba Shangbangla-ni gonggeo donggipa ge•gittam dokanrangko salpruangenba a•kuangchina ga•aksruangaha ine u•ina gita man•aha.

Rasong gnangbee dokan dakgipa manderang saknaatako man•tokjaha indiba uamangni dokanrang nosto ong•atako man•tokahachim.

Indake ia a•sel ong•ani bakan, National Highway Authority of India (NHAI)-ni official-rangna sepangjolo donggipa manderang koborko on•ataha. Indake ong•engon a•sel ong•anio sianggipa mandeni manggisiko Budbar pringosa nikna gita man•aha aro bilongbee saknaa man•gipa driver-ko sanna bananiko dakna gita Civil Hospital Nongpoh-ona ra•angaha.

Iakoba poraie nina man·gen: SAI-o ong•atenggipa National Boxing Championship-ko CM niea