Shillong, Nov 29: November 25 tarikoni December 1 tarikona, NEHU-ni Sports Authority of India (SAI)-o ong•atenggipa National Boxing Championship-ona Budbar salo, Meghalaya a•dokni Skotong Minister Conrad K Sangma-ba re•ange nieaha.

Ia Boxing kal•susaaniko nieani somoio ua jinmana aganprakangengon, ia National Boxing Championship-ko sokachakna man•aniara a•dokna mikkim rasongni ong•aha ine parakatenba, uandakgipa kal•susaanirangko sokachakanichi, kal•susagiparangna dakchakanirangko on•anichi aro kal•chakram biaprangko namdapate on•anichi a•dok sorkari, kal•susaanirangko tang•doatna jotton ka•enga ine aganangaha.

A•doko kal•suaanirangko tang•doatanio dingtang dingtang ra•bianirangko sorkari chagrongna nangenga ine janapatengon, iandakgipa ra•bianirangko chagronge skie ra•anichi mikkangchide Meghalaya a•dokoba international ba a•gilsak gimikni kal•susaanirangkoba sokachakna man•na gita ka•dongenga ine Skotong Minister aganaha.

Bi•sarangko kal•susaanirango changgipa sapgiparang ong•atna gita chonmitingonin skie on•na nangengani giminba ua aganangaha.

Iakoba poraie nina man·gen: Kuki-Zomi-Hmar-Mizorangni biapo dingtang sorkariko on·china dabie jinma re·joma