Shillong, Mar 11: Deendayal Antyodaya Yojana – National Urban Livelihood Mission (DAY-NULM)-ni ning•o Meghalaya a•dokni self help group (SHG)-rangna tangka paisani gita dakchake on•aniko gong 25,000-ona bariatgen ine Mongolbar salo, Meghalaya a•dokni Chief Minister Conrad K Sangma parakataha.
A•dokni SHG-rangna dingtang dingtang kamrangko a•bachengna gita sorkari da•o dipet DAY-NULM-ni ning•o gong 10,000 ka•e on•enga indiba da•o SHG-rangna tangka paisani gita dakchake on•aniko bariatna a•dok sorkari, ma•mong sorkario bi•ataha.
Indake ong•engon, SHG-rangna tangka paisani gita dakchake on•aniko bariatna ma•mong sorkariba ra•chakaha aro da•ode SHG-rangna tangka paisani gita dakchake on•aniko gong 10,000-oni gong 25,000-ona bariatgnok ine Chief Minister, Assembly-ni question hour-o parakataha.
SHG-rangna scheme-rangko bang•bate on•na man•na gita DAY-NULM-ko a•dok sorkarini dingtang dingtang scheme-rang baksa chapatgen ineba Chief Minister, ku•rachakaniko on•angaha.
Songadam nokadamrango SHG-rangko bikotanio altubatani gimin batanggimin bilsi 6-7-ni gisepo hajalni hajal man•e cha•gipa me•chikrangko ong•katatna man•aha ineba Sangma aganaha.
Na·simang ia video-koba nina man·gen:
Na·simang iakoba poraina man·gen: 3,900 km Bike rally-ko Arunachal Pradesh-oni a·bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
