Shillong, Apr 26: Hynniewtrep Youth Council (HYC), Shillong Cantonment Board-ni ning•o ga•akenggipa a•arango, niamgri songdongenggipa manderangko ta•rake a•rikgalchina ine Sukrobar salo, dabiataha.
Indake, ia manderangni niamgri songdongenganiko, bang•a gipin manderangni badi ka•ani jamano, Shillong-ni Iewduh ba Bara Bazaar-o donggipa Fire & Emergency Station-ni mikkangchakgrikenggipa Board-ni ning•o ga•akenggipa biapko, ia organization-ni gita sandirikitaniko dakangahaon, te 80-100 mangni gita plastic aro gipin be•gimin bosturangchi noktop rike dongenganiko nikaha aro unbaksana, uamang Cantonment Board-ni ba gipin authority-rangoniko permission ra•gija, niamgri ua biapo songdongenga ine u•ina man•aha.
“Ia niamgri songdongenggipa manderangni kosako niam gita ja•ku de•china inenba chinga SCB-ni CEO-ko gronge chanchirimaniko dakanio memorandum-ko on•baaha. Indake ong•engon, ia SCB-ni ning•o ga•akenggipa a•arangko Guwahati-o donggipa Defence Establishment Officer-sa nirokaniko dakenga ine ua u•iataha. Iani gisepon, ia a•ani bidingon mokordoma ka•grikanirangkoba dakenga ine ua officer CEO-na u•iatskaahachim” HYC-ni President Roykupar Synrem kobor ra•timgiparangna parakataha.
Indake, HYC-ni gita, iani bidingo sokatgipa chittina aganchakaniko on•chinaba CEO-ko mol•molatahaon, aganchakaniko on•gen inenba ua ku•rachakataha.
Una agreba, ia biaprango niamni a•palo ong•gipa kamrangkoba ka•enga jekai, songjinmaona pekatgipa bosturangko badingsrukengani aro gipin biaponi napsrukbagipa manderangnaba namgipa katnapani biapba ong•enga ine aganan baksana, songjinmani bijangchio iandakgipa kamrang ba a•selrang ong•enganiko nikgenchimoba maikai Authority-rangara mikgri ong•e dongna man•skaenga ineba Synrem parakataha.
Na·simang ia video-koba nina man·gen:
Na·simang iakoba poraina man·gen: Dy CM-ni nokko petrol boma godapa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
