Shillong, Apr 28: Sombar salo dingtangmancha program-ko Shillong Civil Hospital-o ong•atangenba, mandeni bika aro ka•rongterangko teksreani bidingo agan-talatanirangko on•angaha.
Ia program-o medical expert sakgni, chong•motan Liver Transplant aro GI Surgery-ni Senior Consultant Dr Bhushan Bhole aro Institute of Renal Sciences-ni Chairman Dr Sanjiv Saxena, bika aro ka•rongterangko teksreani baksana bon•changgijagipa sabisirangko sanna bananio jakkalenggipa gital kolrangni bidingo agan-talatanirangko on•angaha.
Ia tom•anio Liver Transplant aro GI Surgery-ni Senior Consultant Dr Bhushan Bhole, namatna man•gijagipa bikani sabisirangko man•anirang batroroengani gimin janapangenba, bikarangko teksreanio gamchatgipa ong•ani gimin aganangaha.
Ia program-o Institute of Renal Sciences-ni Chairman Dr Sanjiv Saxena, ka•rongterang kam ka•jahaon maidakgipa neng•nikanirangko chagrongna nanga aro maikai ka•rongterangko sanne bane ra•na man•a, uarangni bidingo agan-talatanirangko on•angskaaha.
Bika aro ka•rongteni sabisirangko man•ani bidingo manderangna u•iatna nangenga ine janapangengon, seng•gnang porikkarangko ra•e nianichi aro somoi gita sanna bananirangko ra•anichi mandeni janggiko jokatna man•a ine doctor sakgnian, agan-ku•pattianirangko on•angaha.
Na·simang ia video-koba nina man·gen:
Na·simang iakoba poraina man·gen: NEHU-ni professor-ko dokanina NEHUSU-ni president-ko rim•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
