Shillong, August 31: Songsalni namgnina kam ka·gipa KAM doloni re·baienggipa 2023 bilsio 16 Shillong Constituency-oni election-o susana Malki gittimo donggipa Ma Wanpynhun Kharsyntiew-ko parakataha.
Ma Kharsyntiew songsalni namgnina kam ka·anio bilsi 18-mang gapaha aro uan mikkangchake dilgipaba ong·enga.
Meghalaya-ko man·ani bilsi 50 gapiloba sorkari hajira kam ka·e cha·gipa dolrangna namgni donggipa maming niamkoba taria dongja ine Kharsyntiew aganaha.
Indake ongengon, KAM doloni MLA chakatnasienggipa Ma Angela Rangad, manderangni namgnina rakken kam ka·gen aro tangka paisachi ong·gija manderangko mikrakatachi election-o susagen ineba Ma Rangad aganaha.
