Shillong, May 15: Shillong songjinmani Mawlai Kynton Massar-o gital kuligipa Shillong Govt College of Engineering (SGCE)-ni class-rangko ia bilsionin a•bachenggen ine Bristibar salo, Meghalaya a•dokni Education Minister Rakkam A Sangma parakataha.
Civil & Electrical Engineering-o undergraduate course-rangko a•bachengna gita All India Council for Technical Education (AICTE)-ni ra•chakaniko man•ani ja•man iako Education Minister parakataha.
Iani bidingo kobor ra•timgipa manderang baksa agangrikengon, sorkarini ku•rachakgimin gita Shillong Engineering College-ko a•bachengna AICTE-ni ra•chakaniko man•ahani gimin class-rangko ia bilsionin a•bachenggnok ine Sangma parakataha.
College-na nokrangko rikanirang chu•ongjani a•sel ia college-ko a•bachengningna man•kujaengachim indiba a•dok sorkarini rakbee kamrangko ka•anichi da•o ia college-ko a•bachengna AICTE-ni ra•chakaniko man•aha.
Iani bidingo a•dokni Chief Minister Conrad K Sangma-ba social media-o jinmana u•iatengon, ian Meghalaya a•doko technical education-na mingsa chu•sokani ong•aha ine parakataha.
Na·simang ia video-koba nina man·gen:
Na·simang iakoba poraina man·gen: Guwahatio mi platesako NGO rang gong·bongana palenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
