Shillong, April 5: Sonibar salo, 2025 bilsini Meghalaya Board of School Education (MBoSE)-ni SSLC porikkani result-rangko parakataha, jeon 582 mark-rangko man·e sakgni chatro chatrirang, chong·motan Shillong-ni St. Margaret Higher Secondary School-ni Leisha Agarwal aro Jowai-ni North Liberty Higher Secondary School-ni Avila Kathrene P Lyngdoh, chubatgipa gadangko man·e chu·sokangaha.
Shillong-ni Scared Heart Boy’s Higher Secondary School-ni Evanshan Nongrum aro Phulbari-ni Jawaharlal Nehru Higher Secondary School-ni Pori Pandey, 578 mark-rangko man·e nambata gadangko man·e pass ka·giparangoni 2-gipa biapko man·angskaaha.
Nongpoh-ni Alpha English Higher Secondary School-ni Sourav Pandey, 576 mark-rangko man·e nambate pass ka·giparangoni 3-gipa biapko man·skaaha.
Upper Shillong-ni Gorkha Secondary School-ni Ananika Singh, 572 mark-rangchi 4-gipa biapko man·aha.
Shillong Christian Academy-ni Taesha Grace Pakyntein, Mawpdai-ni Mawpdai Area Secondary School-ni Manderson Thongni, Tura Sherwood School-ni Esther D Shira aro Mahendraganj-ni Mahendraganj Higher Secondary School-ni Mahir Islam, maang chong·motan sak 5 chatro chatrirang 570 mark-rangko man·e nambate pass ka·giparangoni 5-gipa ong·eskaaha.
Indake ong·engon, Laitumkhrah-ni Mayfair Secondary-ni A Arif Sheikh, Shillong-ni Seven Set Higher Secondary School-ni Joody I Ryum Khonglah, Shillong-ni St. Margaret’s Higher Secondary School-ni Ranchita Paul, Shillong-ni Eriben Presbyterian Secondary School-ni Obadaiah Joel Kharkongor, Tura Casarina Public School-ni Ian Dongkam M Marak aro Tura St. Xavier’s Higher Secondary School-ni Bathsheba Ch Sangma aro iano bimung segata donggijagipa roll no. 49961 donggipaba, 569 mark-rangko man·e nambate pass ka·giparangoni 6-gipa biapko man·epaa.
568 mark-rangko man·e nambate pass ka·giparangoni 7-gipa biapko man·giparangara, Shillong-ni St. Margaret’s Higher Secondary School-ni Kriti Kumari aro Umroi-ni Umroi Presbyterian Secondary School-ni Queency Kharsohnoh ong·a.
Na·simang ia video-koba nina man·gen:
Na·simang iakoba poraina man·gen: 2025-ni MBoSE SSLC porikkao Meghalaya a·doko pass ka·giparang 87.10% gapa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
