Shillong, Dec 20: Krismas aro Bilsi Gitalni salrang sokbaengahani gimin Shillong songjinmao, skatang gari gorarangko sale ramarango a•sel ong•anirangko komiatna gita police-rang, bilakbate nirok sandianirangko dakanggen ine Budbar salo Shillong Traffic Police (STP) parakataha.
Iani bidingo u•iataniko on•angengon, Shillong songjinmani dingtang dingtang ramarango traffic police-rang bilake nirokanirangko dakanggen aro ramarango churing chupeke gari salanirangko rim•a man•genchimode gong 10,000 dai baksana Section 185 MV Act-ni ning•o sastirangko man•gen ine Shillong-ni SP (City) parakataha.
Garirangko simsake salchina manderangko didiatengon, an•tangtangni kusini giminsan chanchiaigija gipinrangni namgninaba churing chupeke garirangko saljachina gita SP mikrakataniko on•ataha.
Iakoba poraie nina man·gen: Tamil Nadu-o chi banna re•anio jachange dongenggipa manderangna IAF dakchakaniko on•a
Watch
