Tura, March 15: BJP dol-ni dilgipa aro Cabinet Minister A L Hek, Shillong-ni seat na susana sak 5 party ticketna bimung on•giparangoni saksa ong•a. Tura Parliamentary seat-ni ticket-na sak 6 manderangni bimungrangko centre-chi seokani dakchina watataha.
“Chinga central-ona bimungrangko seokaniko dakchina watatman•aha, indiba basako uamang seokgimin bimungrangko watat pilgen u•ina man•kuja indiba gittamgipa bimungni list-rang sokbana siengaha” ine BJP dolni State President Rikman G Momin u•iatangaha.
A L Hek-na agreba, Shillong seat-na susagrikaniko dakna bimung on•giparangara, Dr Fenela Lyngdoh Nonglait, BJP dolni gitcham state President Earnest Mawrie, BJYM-ni President Mewakar Lyngdoh aro Sumitra Laloo iamang ong•a.
Indake ong•engon, Tura seat-na BJP doloni susana bimungrangko on•giparangara, da•o ong•enggipa Tura-ni MDC Bernard N Marak, gitcham MLA-rang chongmotan Winnerson D Sangma aro KC Boro, MDC gitcham Boston Marak, Ria Sangma aro Thomas Marak ong•a.
Uasan ong•aigija, chinga election-o susagrikna tariman•aha aro election-na campaign ka•anirangkoba a•bachengatmanaha ine aganenba, CAA-ni bidingo Meghalaya a•doko BJP dolrang maming nengnikanirangko man•jawa ineba State President Rikman G Momin aganangkuaha.
Na·simang iakoba poraina man·gen: Innovative Multifunctional Autopsy Workstation-ko bikotanina NEIGRIHMS-ni Professor patent-ko ra•chaka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
