Shillong, July 12: Shillong songjinmani wilwilao dokan dakenggiparangko aro minggipin bading-chiwalanirangko walni 10 baji dipetsan kullichina district administration-ni ge·etaniko on·angani salgipino, ma·manti cha·ani bosturangko palenggipa dokan nokgiparang komibeoba waljatchi 12 bajionade kullina on·china gita Butbar salo District Administration-ko mol·molangskaaha.
“Gipin biaprangko toede ia biapo naljokani gnangbata, maina walni somoiosa chinga iano dokanrangko kullie pala-sim·aniko dakrongenga ine Khyndailad, chong·motan Police Bazaar-o cha·ani palenggipa saksa koborna aganangengon, wal 10 bajion dokrangko chipatode chingna namen noksan ong·a, uni gimin waljatchi 12 bajiona kingkingde kullina on·china gita Deputy Commissioner-ko chinga mol·molatpaenga ineba ua agandapataha.
Indake ong·engon, songjinmani wilwilao dokan dakanirangko, cha·ani palaniko aro minggipin bading-chiwalanirangko 10 bajini ja·man kullianiko champengataniara songjinmao niam aro ge·etani obostarang namjabatengani gimin dingtang dingtang dolni manderangming chanchiesa tik ka·aha ine Deputy Commissioner Ma R M Kurbah iana skang u·iatahachim.
Shillong songjinmani wilwilao dingtang dingtang dakgipa obostarang ong·enganichi mongsongbate walni somoio niam aro ge·etani obostarangona sokengani giminsa ia ge·etanirangko on·enga ine Ma Kurbah janapatenba, ia niamni kosako dakbadegiparangko IPC-ni section 188-o on·gimin bilo pangchake sastiko on·na gita mikrakatanikoba on·angjolaha.
Iakoba poraie nina man·gen: Panchayat eleksino kajia-golmal ong·anichi WB-oni sak 133 manderang Assam a·doko katnapna bi·a
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
