Shillong, Aug 2: Chang 133-gipa Durand Cup-na robol kal•susaaniko Shillong songjinmaoba sokachakengon, ia kal•susaaniko Sukrobar salo, Meghalaya a•dokni Chief Minister Conrad K Sangma, Jawaharlal Nehru Stadium-o a•bachengate on•angaha aro uni ja•man Shillong Lajong FC baksa Nepal a•songni robol kal•susaangaha.
Shillong songjinmao ia robol kal•susaaniko a•bachengatanio mikkarang dontonggija waangahaoba, ‘Air Show’ ba sildorengrangko bile mesokgipana agrede dingtang dingtang dake dakmesokanirangko nikangna man•aha.
Ia Durand Cup-ko Shillong-o a•bachengatanio nikna man•anggipa dingtang dingtang dakmesokaniranga, 2nd Battalion Sikh Regiment-ni Bhangra chrokani, 13th Bn Sikh Regiment-ni ‘Gatka’, Corps of Military Police-ni Motorcycle Show, Children Choir-ni git ring•ani, Assam Regimental Centre-ni ‘Badloo Ram Ka Badan’ gitko ring•e mesokani, Shillong songjinmao donggipa dingtang dingtang skulrangoni sak 800-na baten chatro chatrirangni Musical Ensemble aro gipinrang ong•a.
Robol kal•susaaniko a•bachengatna skang, a•dokni Chief Minister, dolgnini robol kal•giparangkoba grongaha aro uni ja•man joljol Group F-o robol kal•aniko a•bachengate on•angaha. Ia Group-F-o changdok robol kal•susaanirangkon Shillong songjinmani JN Stadium-o sokachakenga.
Ia Group F-o kal•enggipa dolrangara, FC Goa, Hyderabad FC, Shillong Lajong FC aro Nepal a•songni Tribhuvan Football Team-rang ong•enga.
Asia-o gitchambatsranggipa Football Tournament ‘Durand Cup’-ko 1888 bilsio skanggipa changna Shimla-o ong•atchengahachim aro uni ja•man 1940 bilsio ia kal•susaanio New Delhi-ona apjitangskaenba 2016 bilsiona kingkingan New Delhi-o sokachakahachim. 2019 bilsio ia Durand Cup, Eastern Command-ni ning•o ong•ahaon, ia kal•susaaniko Kolkata-ona apjitbaskaaha aro uandaken da•o ia kal•susaaniko Meghalaya a•dokni skotong Shillong songjinmaoba sokachakpana cholko man•engaha.
Na·simang ia video-koba nina man·gen:
Na·simang iakoba poraina man·gen: M’laya sorkari, NDDB Mother Dairy baksa MoU-o soi ka•grika
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
