Shillong, July 12: Shillong songjinmao cha•ani dokkan aro gipin dokkanrangkoba walni 10:00 bajini gisepon chipchina gita East Khasi Hills Deputy Commissioner-ni ge•etgipani bidingo a•dokni Home Minister Prestone Tynsong-na u•iatani ja•man, ua iani bidingo tom•e chanchirimtaina gita tik ka•angaha ine Budbar salo, Meghalaya a•dokni Tourism Minister Paul Lyngdoh parakataha.
Dokkanrangko walni 10:00 bajini gisepon chipchina gita ge•etaniko on•ahani gimin an•tangni suk ong•gijaniko parakatengon, walni somoirangoba dokkanrangko kuligenchimosa naljokanirangkode man•bata indiba gimikkon chipgripe donaigenchimode manderangni gisikrango kenna nanganirang ong•kata ine Lyngdoh parakataha.
Ia niamko dingtangatna nangenga ine janapatengon, Home Minister-ni tom•e chanchirimaniko ong•atani ja•man ia niamko dingtangattainaba gnang ine Lyngdoh, an•tangni ka•dongchakenganiko parakataha.
Indake ong•engon, Khyndailad ba Police Bazar-ni sorokrango ma•manti bosturangko palbadingenggipa manderangko dingtang biapona apjitna gita sorkari biapko sandimanaha ineba Tourism Minister parakataha.
Adita salrangna skangsan a•dok sorkari, Khyndailad-ko re•ange niangaha ine janapatengon, ia ramao ma•manti bosturangko palbadingenggipa manderangko dingtang biapona apjitna gita uamang Shillong Municipal Board (SMB) baksa kamko ka•enga aro ia biapo palbadingenggipa manderangko apjitna gita adita jarangko nangkunaba gnang ine Lyngdoh parakataha.
Khyndailad jolrangara Smart City project-ni zone-I-o ga•aka ine talataniko on•angskaengon, kamrangko da•o a•bachengmanaha aro ia jolrangko pedestrian zone ba ja•achi re•ani biap ine mingahaode ia ramarango bosturangko palbadingna on•jawaha ine Tourism Minister parakataha.
Iakoba poraie nina man·gen: Shillong-o cha·ani palenggipa dokan nokgiparang, waljatchi 12 bajiona dokrangko kullina on·china DC-ko mol·molanga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
